Paytaxtda dəhşətli qətl törədilib. Hadisə Bakının Binəqədi rayonu ərazisində, Azadlıq prospekti 167 saylı binanın qarşısında baş verib. Həmin binada, yəni mənzil 53-də yaşayan 47 yaşlı Qasımova İradə Əliyar qızı binanın alaqapısının girəcəyində, elə qapısının qarşısında naməlum şəraitdə bıçaqla qətlə yetirilib.Qeyd edək ki, mərhum Qasımova bıçaqla boğazı kəsilməklə öldürülüb. Hadisənin kim tərəfindən və hansı məqsədlə törədildiyi hələlik məlum olmasa da, ilkin ehtimala görə, qanlı hadisə qısqanclıq zəminində törədilib. Çünki sonradan hadisə yerini müayinə etmək üçün əraziyə cəlb olunan Binəqədi rayon Polis İdarəsinin və Rayon Prokurorluğunun əməkdaşları qətlə yetirilən İradə Qasımovanın üzərindən hər hansı qızıl-zinət əşyalarının, həmçinin pulunun aparılmadığını müəyyən ediblər.Mərhum qonşularla elə də sıx əlaqədə olmayıb.Hadisə baş verən zaman alaqapının girişinin qaranlıq olması da qətlin müəmmalı izlərini gizlədir. Bununla belə, Binəqədi polisi hadisəni törədən şəxs və ya şəxslərin müəyyən edilərək istintaqa cəlb olunması istiqamətində əməliyyat-axtarış tədbirlərini davam etdirir.Faktla bağlı Binəqədi Rayon Prokurorluğu tərəfindən Cinayət Məcəlləsinin qəsdən adam öldürmə maddəsi ilə cinayət işi başlanıb, istintaq gedir.
