5 və 11-ci sinif şagirdlərinin imtahan vaxtı açıqlandı
Bütün Xəbərlər
16:46 17.04.2013
3148
Tələbə Qəbulu üzrə Dövlət Komissiyası (TQDK) yekun qiymətləndirmənin (attestasiyanın) təşkili məqsədi ilə ümumi təhsil müəssisələrinin V və XI sinif şagirdləri arasında monitorinq imtahanlarını keçirmə tarixini açaıqlayıb. TQDK-danAZXEBER.COM-un məlumata görə, hazırlıq işləri çərçivəsində aprelin 16-da Bakı şəhərində və Abşeron rayonunda monitorinq imtahanı keçiriləcək orta ümumtəhsil müəssisələrinin rəhbərləri ilə görüş keçirilib.Qeyd edək ki, cari ildə monitorinq imtahanları V və XI siniflər üzrə aparılacaq. Bu imtahanla respublikanın 29 bölgəsini əhatə etməklə ümumilikdə 722 orta ümumtəhsil müəssisəsində keçiriləcək.İlk monitorinq imtahanı Bakı, Abşeron və Sumqayıtda imtahan fənləri üzrə ayrı-ayrı günlərdə olmaqla 23, 24 və 25 aprel tarixlərində keçiriləcək. Digər bölgələrdə keçiriləcək imtahanların tarixləri barədə yaxın vaxtlarda məlumat veriləcək.V sinif şagirdləri üçün imtahan Ana dili və riyaziyyat fənni üzrə keçiriləcək. Ana dili imtahanında şagirdlərin bacarığı həm açıq tipli test tapşırıqları ilə, həm də yazı işi ilə yoxlanacaq.Belə ki, 1 saat 30 dəqiqə ərzində şagirdlər 20 açıq tipli test tapşırığı ilə yanaşı təqdim olunacaq mövzu üzrə yazı işləri də yerinə yetirəcəklər.Riyaziyyat fənni üzrə isə şagirdlərə 18 açıq tipli test tapşırığı təqdim olunacaq. Bu imtahanın da müddəti 1 saat 30 dəqiqədir.XI sinif şagirdləri isə Azərbaycan dilindən, rtiyaziyyat və fizika fənlərindən imtahan verəcəklər. Azərbaycan dili üzrə sualları cavablandırmaq üçün onlara 45 dəqiqə, fizika və riyaziyyat fənləri üzrə ayrılıqda 60 dəqiqə vaxt veriləcəkdir. Bu imtahanda suallar ənənəvi - şoxseçimli test tapşırığı formasında təqdim olunacaq. Bu fənlərin hər birindən şagirdlərə imtahan zamanı 30 sual təqdim olunacaq.
