İngiltərədə 84 yaşında vəfat edən jurnalist Con Pilger geridə 3,3 milyon funt-sterlinq (təxminən 6 milyon manat) sərvət qoyub.
AZXEBER.COM xarici mətbuata istinadən xəbər verir ki, onun vəsiyyətindəki ən diqqəti çəkən detal oğlundan xahişi olub.
Pilger vəsiyyətnaməsinin son səhifəsində oğluna "Mən şəxsi kompüterimin və sərt diskin məhv edilməsini istəyirəm ki, e-poçtlarımı heç kim oxumasın” yazıb.
Amma o, bu tələbin arxasında duran səbəbi açıqlamayıb.
Pilger ABŞ-ni sərt tənqid etdiyinə görə anti-amerikan olmaqda və avtoritar rejimləri dəstəkləməkdə ittiham olunub.
Onun 2007-ci ildə Hüqo Çaveslə müsahibəsi"New Statesman" jurnalı tərəfindən yaltaqlığın biabırçı nümunəsi kimi təsvir edilib.
2014-cü ildə Rusiyanın Krımı ilhaq etməsindən qısa müddət sonra o, "The Guardian” qəzetində "Putin 21-ci əsr Avropasında faşizmə qarşı çıxan yeganə liderdir” deyə məqalə yazıb.
