Rumıniyanın 7 nəfərdən ibarət "Mandinga" qrupu Eurovision səhnəsinə 6 nəfərlə çıxacaq
AZXEBER.COM-unmüsabiqənin rəsmi saytına sitinadən verdiyi xəbərə görə, Rumıniyanın Eurovision Mahnı Müsabiqəsi 2012 təmsilçisi "Mandinga" qrupu 7 üzvdən ibarət olsa da, "Bakı Kristal Zalı"nın səhnəsinə 6 musiqiçi çıxacaq. Eurovision.az saytının xəbərinə görə, "Mandinga" qrupunda - Elena (vokal), Aleks (truba), Çupi (zərb alətləri), El Nino (konqa), Omar (piano), Zak (saksafon) və Toni (trombone) təmsil olunur. Lakin Eurovision Mahnı Müsabiqəsinin qaydalarına görə, hər ölkənin şousu zamanı səhnəyə 6 nəfərdən çox adam çıxa bilməz. Bu səbəbdən də "Mandinga" qrupu səhnəyə 6 üzvü ilə çıxacaq. Qrupun bir üzvü - Toni isə öz dostlarını "Green Room"dan dəstəkləyəcək.
Xatırladaq ki, Rumıniyanın təmsilçi qrupu mayın 22-də keçiriləcək birinci yarımfinalda "Zaleilah" mahnısı ilə çıxış edəcək.
