17 Noyabr “Beynəlxalq Tələbələr” günü ilə əlaqədar tələbələr üçün “Lounge Lizards” party təşkil etdi.

Tədbirdə Binəqədi rayon Gənclər və İdman İdarəsinin rəisi Qüdsi Bayramov, Binəqədi rayon İcra Hakimiyyətinin Təhsil, Səhiyyə və Mədəniyyət şöbəsinin müdiri Rafiq Ağamalıyev, Azərbaycan Tələbə Gənclər Təşkilatları İttifaqının (ATGTİ) sədri Şahin İsmayılov və digər QHT nümayəndələri iştirak edirdilər.

Tədbirin rəsmi hissəsində qonaqlar və tələbələr qarşısında çıxış edən Binəqədi rayon Gənclər və İdman İdarəsinin rəisi Q. Bayramov hamını salamladı və bu günün mahiyyəti haqqında söz açdı. “Tələbələr və ümumilikdə gənc nəsil istənilən ölkənin gələcəyi deməkdir və bizim ölkəmizin gəncləri bu sahədə öndə gedənlərdəndilər. Mən sizin hər birinizi bu bayram münasibəti ilə təbrik edirəm” deyə Q. Bayramov, sözü ATGTİ sədri Şahin İsmayılova verdi. Ş. İsmayılov da öz növbəsində bütün tələbələri təbrik etdi və Azərbaycanın gənclər siyasətindən danışdı. “Ölkə rəhbərliyi gənclərimizi, onların fəaliyyətini hər zaman dəstəkləyir” deyə çıxışını bitirdi. Sonra ƏSMA TGT sədri Şəhriyar Möhsümov çıxış etdi. O bildirdi ki, bir TGT olaraq ƏSMA TGT-si daima fəaliyyətdədir .“Bu günkü tədbirimiz ilə biz bunu bir daha sübut etdik” deyə Ş.Möhsümov çıxışını bitirdi. Rəsmi hissəinin sonunda ƏSMA TGT-nin fəalları Zakirli Emil, Rəfiyev Coşqun, Məmmədli Səidə, Qurbanlı Kamran, Abdullayev Kamil və Məsimov Tacəddin fəxri fərmanlar və xatirə hədiyyələri ilə təltif olundular.

Tədbir tələbələrin hazırladıqları rəqslər, yarışma və oyunlarla yekunlaşdı.