ABŞ Prezidenti Donald Tramp Qrenlandiyanın ölkəsinin tərkibinə daxil edilməsi ideyasına sadiq qalır.
Bu barədə Ağ Evin sözçüsü Kerolayn Levitt bazar ertəsi keçirdiyi brifinqdə bildirib.
Onun sözlərinə görə, ABŞ Prezidenti buna istənilən vasitə ilə nail olmağa hazırdır.
"Prezident hələ də Qrenlandiyanın Arktikadakı strateji hədəfləri barədə fikirlərini qoruyub saxlayır. O, regionda milli təhlükəsizlik maraqlarımızı inkişaf etdirmək üçün hər vasitə ilə Qrenlandiyanı almaq ideyasına sadiq qalır”, - Levitt deyib.
Qeyd edək ki, ABŞ Prezidenti Donald Tramp hələ vəzifəyə keçməzdən əvvəl də Vaşinqtonun Qrenlandiyanı özünə birləşdirmək istəyini dəfələrlə bəyan edib. Aprel ayında "The New York Times” (NYT) adı açıqlanmayan rəsmiyə istinadən yazıb ki, Ağ Evin Milli Təhlükəsizlik Şurası Qrenlandiyanın ABŞ-yə birləşdirilməsi planının həyata keçirilməsi ilə bağlı qurumlara təlimatlar göndərib. Mənbənin sözlərinə görə, Vaşinqton ada sakinlərini ABŞ-yə qoşulmaq zərurətinə inandırmaq üçün media kampaniyası aparmaq istəyir. Trampın özü isə çıxışlarında bu məqsədə çatmaq üçün hərbi gücdən istifadəni də istisna etməyib.
/Report
