ABŞ-ın Nyu-York şəhərində Amerika Azərbaycan Gənclər idman Asosasiyasının və Azərbaycan New York Asosasiyası təşkilatçılığı ilə Azərbaycan Xalq Cümhuriyyətinin 107 illiyi münasibəti ilə böyük tədbir keçirilib.
AZXEBER.COM xəbər verir ki, tədbir torpaqlarımızın azadlığı uğrunda şəhid olanların bir dəqiqəlik sükutla yad edilməsi ilə başlayıb. Daha sonra tədbir iştirakçıları Azərbaycan himnini oxuyublar.
Tədbiri giriş sözü ilə açan Amerika Azərbaycan Gənclər idman Asosasiyasının prezidenti Elgün Xanoğlanlı bu tədbirin daha da geniş rezonans doğurması üçün ABŞ-da yaşayan bütün həmyerlilərimizi məlumatlandırdıqlarını qeyd edib.
Elgün Xanoğlanlı qeyd edib ki, bu tədbirlər Azərbaycan mədəniyyətinin və tarixinin tanıdılması, diaspor üzvləri arasında birlik və həmrəyliyin gücləndirilməsi məqsədi daşıyır.
"Eyni zamanda, bu tədbirlər vasitəsilə Azərbaycan-ABŞ münasibətlərinin inkişafına da töhfə verilir. Bu tədbir artıq bir ənənə halına gəlib. Hər il ABŞ-da yaşayan həmyerlilərimiz və Türkiyə vətəndaşları birlikdə bu bayramı böyük coşqu ilə qeyd edirlər.
Tədbirdə iştirak etmək üçün ABŞ-a səfər edən "İnkşafa və İslahatlara Dəstək” İctimai Birliyinin sədri, Önder.tv-nin rəhbəri Ramil Əliyev və "Demokrat.az” internet xəbər portalının baş redaktoru Vasif Həsənli ABŞ-da yaşayan həmyerlilərimizi 28 may Respublika günü münasibətilə təbrik ediblər.
Azərbaycandan gətirilən kitablar və bayraqlar həmyerlilərimizə təqdim edilib.
"İnkşafa və İslahatlara Dəstək” İctimai Birliyinin sədri, Önder.tv-nin rəhbəri Ramil Əliyev Şəhid Mayor Vüsal Vəliyevin həyatından bəhz edən "Qisas 44” adlı kitabı Amerika Azərbaycan Gənclər idman Asosasiyasının prezidenti Elgün Xanoğlanlıya təqdim edib.
Tədbirə verdikləri önəmə görə "İnkşafa və İslahatlara Dəstək” İctimai Birliyinin sədri Ramil Əliyev və "Demokrat.az” internet xəbər portalının baş redaktoru Vasif Həsənli və Eldar Heydərov Amerika Azərbaycan Gənclər idman Asosasiyası tərəfindən mükafatlandırılıblar.
