Amerika 45-ci prezidentinin kimliyi sabahkı seçkilərdə bəlli olacaq. Xalqın Demokrat Partiyanın namizədi Hillari Klintonu yoxsa Respublikaçı rəqibi Donald Trumpı seçəcəyi dünyada ən çox müzakirə olunan məsələdir.
AZXEBER.COM xarici mətbuata istinadən xəbər verir ki, ABŞ-da sabah baş tutacaq prezident seçkilərindən 24 saat əvvəl keçirilən son sorğuda keçmiş Xarici İşlər Naziri Hillari Klinton milyarder iş adamı Donald Trumpı qabaqlayır.
3-5 Noyabr tarixləri arasında keçirilən Wall Street Journal/nbc News anketinə görə, Klinton 44 %, səs nisbəti ilə yarışda Respublikaçı rəqibindən 4 faiz önündədir.
Vaşinqton Post-ABC News tərəfindən 1-4 Noyabr tarixlərində keçirilən sorğuya görə isə Klinton 48%-ə 43 faiz ilə Trumpdan 5 faiz öndədir.
Bu nəticə, həftənin əvvəlində Klintonla arasındakı fərqi sıfıra endirən Trumpun təkrar geri düşdüyünə işarə edir.
Vaşinqton Post, Klintonun yüksəlişinə səbəb olaraq, "ağ olmayan seçicilərdən aldığı dəstəyin artmasına" və "müstəqil seçiciləri öz tərəfinə çəkməsini" göstərir.
Dursun,
AZXEBER.COM
AZXEBER.COM
