Abşeron rayonu, Saray qəsəbəsində yerləşən bir neçə çoxmərtəbəli binada yaşayan minə yaxın sakin 5 gündür ki, su üzünə həsrətdir.
Dəfələrlə bu barədə aidiyyəti quruma müraciət etdiklərini deyən sakinlər şikayətlərinin cavabsız qaldığını söyləyirlər.
Bina sakinləri deyirlər ki, problem su xəttində baş verən partlayışdan sonra yaranıb. Hadisədən sonra ərazidə qazıntı işləri aparılıb və problem bir günlük aradan qaldırılsa da, növbəti gündən etibarən yenidən su təchizatı dayanıb.
"Su ilə bağlı çətinlik çəkirik, köməklik göstərən yoxdur. Suyu bir neçə saat verirlər, sonra isə 5-6 saat olmur", - sakinlərdən biri deyib.
"Bina rəhbərliyi ilə əlaqə saxlayırıq, ya telefonu açmırlar, ya da dəstəyi qaldıranda elə söz deyirlər ki, adamı danışmağa da peşman edirlər", - deyə digər sakin söyləyib.
Çəkiliş zamanı əraziyə gələn binanın rəhbər şəxslərindən biri bildirib ki, problem artıq nəzarətə götürülüb və tezliklə tam həll olunacaq.
Daha ətraflı Baku TV-nin süjetində:
