Azərbaycan Dövlət Neft Akademiyasının (ADNA) rektor postuna hələlik təyinat aparılmayıb.
Siyavuş Qarayevin vəfatından sonra onun səlahiyyətlərini tədris işləri üzrə prorektor Vaqif Qurbanov həyata keçirir. Hazırda bir neçə namizədin adı hallansa da, ölkənin neft sənayesi üzrə yüksək ixtisaslı mütəxəssislər yetişdirən ali məktəb rəhbərliyinə təyinat prezident sərəncamı ilə həyata keçdiyindən, bu barədə versiyalar ehtimallardan uzağa getmir.
Xatırladaq ki, Azərbaycan Dövlət Neft Akademiyasının rektoru, üzvi kimya sahəsində görkəmli alim, Azərbaycan Milli Elmlər Akademiyasının həqiqi üzvü olmuş, kimya elmləri doktoru Siyavuş Qarayev 2015-ci il yanvarın 2-də dünyasını dəyişib. (axar.az)
