Millimizin DÇ-2018-in seçmə mərhələsi çərçivəsində Norveçlə matçını izləmək üçün Bakı Olimpiya Stadionuna gedən azarkeşlərdən birinin bədbəxt hadisə ilə üzləşdiyini dünən xəbər vermişdik.
AZXEBER.COM xəbər verir ki, körpüdən yıxılaraq ciddi xəsarət alan Nahid Zahidov təcili yaxınlıqdakı xəstəxanaya aparılıb.
Artıq AFFA rəhbərliyi xəsarət almış azarkeşə xəstəxanada baş çəkib.
Federasiyanın mətbuat xidmətindən verilən məlumata görə, hazırda reanimasiyada olan xəstənin vəziyyəti ilə maraqlanan rəhbərlik onun bütün müalicə xərclərini öz üzərinə götürüb.
