Azərbaycan Gənclərinin Avropaya İnteqrasiya Təşkilatı (AGAT) 01-10 iyun 2014-cü il tarixində Avropa Birliyi Gənclər Fəaliyyətdə proqramı və AR Gənclər və İdman Nazirliyinin dəstəyi ilə “Fəaliyyətdə İncəsənət 2” (Art in Action 2) beynəlxalq layihəsini həyata keçirəcək.Layihənin məqsədi tolerantlıq, ayrı-seçkiliyə qarşı gənclərin iştirakı ilə mübarizə aparmaq və bu mübarizəni kreativ üsul ilə ictimaiyyətə çatdırmaqdır. Layihə çərçivəsində Rumıniya, Türkiyə, Moldova, Fransa, Ukrayna, Azərbaycandan 5 -7 nəfər iştirakçı qatılmaqla ümumilikdə 32 nəfərlik heyət olacaq. 10 gün ərzində iştirakçılar müxtəlif sosiol-mədəni obyektləri ziyarət edəcək, diskriminasiyaya qarşı mübarizə ilə bağlı təlim kursları keçəcək, müxtəlif rəsmi şəxslərlə görüşlər və 8 iyunda 6 ölkənin iştirakı ilə Binəqədi rayonunda musiqili festival təşkil olunması nəzərdə tutulub. Musiqili festival Binəqədi rayonu İcra Hakimiyyəti və “Worldvision Azərbaycan” humanitar təşkilatı tərəfindən dəstəklənir.
