Xəbər verdiyimiz kimi, ailə münaqişəsi zamanı yanaraq, ağır xəsarətlər alan Anjela Türkiyənin İstanbul şəhərində xəstəxanadadır.
AZXEBER.COM xəbər verir ki, hazırda reanimasiya şöbəsində olan uşaq bir neçə dəfə əməliyyat olunub.
"Healthis" səhiyyə şirkətinin rəhbəri Sənan Quliyevin AZXEBER.COM-a körpənin son durumu ilə bağlı açıqlama verib.
O bildirib ki, hazırda Bağcılar Yanıq Xəstəxanasında müalicə alan Anjelikanın vəziyyəti yaxşıdır: "Xoşbəxtlikdən uşaq fizioloji olaraq sağlam və möhkəmdir. Anjelanın əməliyyat nəticəsində üzünün yanıq hissənin bir tərəfi normal hala gətirilib. Bundan sonra da bizi uzun yol gözləyir, bir neçə əməliyyat keçiriləcək. Daha sonra Azərbaycana göndəriləcək. Ancaq körpə mütəmadi olaraq nəzarətdə olacaq və tez-tez İstanbula gəlb-gedəcək. Biz ona dayə də tutmuşuq, daim balacaya qulluq edilir".
Xatırladaq ki, Bakıda münaqişəli ailədə doğulan 2 yaşlı körpə elə ailə münaqişəsinin qurbanı olub. Uşağın bilərəkdən yandırıldığı və ya səhlənkarlıq üzündən yandığı ehtimal edilir.
Belə ki, körpənin ağır vəziyyətdə olduğuna baxmayaraq ata uşağın müalicə üçün ölkədən çıxarılmasına icazə verməyib. Daha dəqiq desək, nənə öz oğlunu lazım olan sənədə imza atmağa qoymayıb. Məhz bu nüans hadisəyə belə qiymət verilməsinə əsas yaradır. Hər halda uşağın sağ qalmasını istəyən ata və nənə belə addım atmazdı.
Ağır vəziyyətdə olan körpənin müalicəsinə tələb olunan vəsaitin bir hissəsi ( 21 min dollar - təxminən 30 min manat) "Uşaqların xoşbəxt gələcəyi” qeyri-hökumət təşkilatının rəhbəri Nərgiz Babayeva-Kərimovanın səyi nəticəsində toplanıb.
