Almaniya Federativ Respublikası (AFR) Xarici İşlər Nazirliyinin (XİN) rəsmi saytında bu ölkə vətəndaşlarının Ermənistana səfər ərəfəsində çox ehtiyatlı olmasına çağıran sənəd yerləşdirilib. AFR XİN-i almanların diqqətini Ermənistanda yol hərəkəti qaydalarına riayət olunmamasına, bir çox yerlərdə yol nişanlarının qoyulmamasına, yollarda kanalizasiya qapaqlarının olmamasına, işıqforların işləməməsinə, polislərin kobudluğuna cəlb edir.
Sənəddə qeyd edilir ki, son illər yoldan keçənlərə, xüsusən xarici ölkə vətəndaşlarına hücumların sayı artıb. Almanlara məsləhət görülür ki, Ermənistana səfər etməzdən əvvəl quduzluğa qarşı peyvənd olunsunlar. AFR XİN-in öz ölkəsinin vətəndaşlarına Ermənistana səfər ərəfəsində peyvənd olunmağı məsləhət gördüyü digər xəstəliklər sırasına difteriya, A hepatiti, B hepatiti və yatalaq xəstəliklərini aid edir.
O da qeyd olunur ki, almanlar Ermənistanın işğal etdiyi Azərbaycanın Dağlıq Qarabağ regionuna özbaşına səfər etdikləri hallarda AFR səfirliyi konsul dəstəyi göstərməyəcək.
