Almaniyada koronavirusa son sutkada maksimum - 66 884 yoluxma qeydə alınıb.
Bu barədə Robert Kox İnstitutunun məlumatlarında qeyd edilir.
Almaniyada koronavirusun yeddi günlük yayılma göstəricisi (həftə ərzində hər 100 min nəfərə düşən yoluxma sayı) da rekord həddə - 404,5-ə çatıb. Bir gün əvvəl bu göstərici 399,8 olub.
Gün ərzində 335 nəfər koronavirusdan həyatını itirib. Almaniyada pandemiya dövründə ölənlərin ümumi sayı 99 768-ə çatıb.
