Türkiyənin Kocaeli vilayətində bir qadın 15 yaşlı qızına sataşan sevgilisini ayağından bıçaqladıqdan sonra cinsiyyət orqanını kəsib.
Üç övladı olan 33 yaşlı qadın ərindən 5 il əvvəl boşanıb. O, dörd ay əvvəl Kocaeli vilayatinə gələn yük maşını sürücüsü N.A. ilə tanış olub. Qadın və 38 yaşlı sürücü o vaxtdan birlikdə yaşamağa başlayıblar.
İddiaya görə, səhər saat 06 radələrində evə gələn N.Ö. sevgilisinin keçmiş ərindən olan 15 yaşlı qızına sataşıb. Bundan xəbər tutan qadın mətbəxdən götürdüyü bıçaqla kişini ayağından yaralayıb. O, yaralı kişini hamama aparıb və cinsiyyət orqanını da kəsib.
Evdən gələn qışqırığı eşidən qonşular polisə xəbər veriblər. Hadisə yerinə gələn polis əməkdaşlarının çağırdığı təcili yardım briqadası yaralı kişini xəstəxanaya aparıb. Lakin yolda həkimlərin yadına düşüb ki, kişinin kəsilən cinsiyyət orqanı hamamda qalıb. Geri qayıdan təcili yardım əməkdaşları cinsiyyət orqanını da özləri ilə aparıblar və Kocaeli Universitetinin Elmi Tədqiqat İnstitutunda onu yerinə tikiblər. Əməliyyatın nəticələri yaxın günlərdə məlum olacaq.
//milli.az
