Azərbaycanın ilk xəbər kanalı olan ARB24 beynəlxalq əlaqələrini genişləndirir.
Bu günlərdə ARB24 telekanalı ilə Almaniyanın "Deutsche Welle” beynəlxalq ictimai teleradio kompaniyası arasında əməkdaşlıq haqqında müqavilə imzalanıb.
Razılaşmaya əsasən, ARB24 telekanalına "Deutsche Welle”-nin bir sıra verilişlərini yayımlamaq hüququ verilib. Əməkdaşlıq 2 mərhələdə həyata keçiriləcək. İlk mərhələdə dünyada maraqla izlənilən "Tomorrow Today”, "Global3000” və "Reporter” layihələri ARB24-də yayımlanacaq. Növbəti mərhələdə isə, daha 5 layihənin yayımlanması nəzərdə tutulur. Əməkdaşlıq çərçivəsində birgə teleməhsulların istehsalı da planlaşdırılır.
Bu sazişlə ARB24 "Deutsche Welle”-nin Azərbaycanda ilk tərəfdaşı olub.
