Xəbər verdiyimiz kimi, Türkiyənin İstanbul şəhərində “Hepimiz Hocalılıyız” kampaniyası başlayıb.
26 Fevral İstanbulun dünyaca məşhur Taksim meydanında on minlərlə insanın iştirakı ilə aksiya olacaq. Xocalı soyqırımını tanıdan ən böyük aksiyanin keçirilməsi barədə ASAIF baş katibi Əbülfəz Şeydabəyov AZXEBER.COM-a açıqlama verib.
Onun sözlərinə görə “Hepimiz Hocalılıyız” kampaniyasının ilk mərhələsində Xaricdə Təhsil Alan və Məzun Olmuş Azərbaycanlı Gənclərin Beynəlxalq Forumu – ASAIF ilə İslam Konfransı Gənclər Forumunun “Xocalıya ədalət” kampaniyasının dəstəyi ilə sərgi keçirilib. Fevralın 17-dən başlamış sərgidə erməni vandalizmini əks etdirən şəkillər həm yerli, həm də xarici ictimaiyyətin diqqətinə çatdırılıb.
Baş katib sərgiyə həm türk, həm də beynəlxalq mətbuat orqanlarının böyük maraq göstərdiyini bildirib.
Baş katib ASAİF-in sədri Orxan Əkbərovun Türkiyə mediasında CNNTÜRK kanalına və yerli qəzetlərə Xocalı soyqırımı haqda geniş məlumatlar verdiyini də vurğulayıb. “Hepimiz Hocalılı” kampaniyasının Türkiyə ilə paralel olaraq dünyanın bir çox ölkələrində keçiriləcəyini də vurğulayıb.
26 fevral İstanbulun Taksim meydanında keçiriləcək yürüşə Azerbaycandan millət vəkillərinin, ziyalıların, media mənsublarının, İslam Konfransı Gənclər Forumunun, ASAİF in Türkiyə, Fransa, Kipr, Ukraynada təhsil alanfəal gənclərinin də qatılacağıgözlənilir.
Türkiyədən millət vəkilləri, yerli QHT-lər, ictimai birliklər, ən aparıcı media qurumları, sıravi vətəndaşların da qatılımı ilə “Hepimiz Hocalılıyız” kampaniyası on minlərin qatılımı gözlənilir.
Məqsəd Xocalı Soyqırımına hüquqi ədalətli qiymət verilməsidir. Meksika, Pakisatan parlamentleri kimi qardaş Türkiyə Cumhuriyyərinin Parlamenti tərəfindən də Xocalının tanınmasıdır.
Baş katib onu da bildirib ki, “Hepimiz Hocalılı” kampaniyasının İstanbul şəhərində keçirilməsinin səbəbi İstanbulun Avropaya açılan pəncərə olmaqla yanaşı regionunböyük siyasi şəhəri olmasıdır: “Xocalı soyqırımının tanıdılması istiqamətində bu sadəcə bir başlanğıcdır. Biz Avropanın və dünyanın iri siyasi şəhərlərində də minlərlə insanın yürüşünü təşkil etməklə Xocalıya beynəlxalq səviyədə ədalətli hüquqi qiymətin verilməsinə nail olacağıq” Kəmalə Təyyarqızı
