ASAN Könüllüləri Gənclər Təşkilatı fəaliyyət göstərərək yaranıb və təsis olunmazdan öncə fəaliyyəti müsbət dəyərləndirilib.
AZXEBER.COM xəbər verir ki, bunu millət vəkili Ceyhun Osmanlı ASAN Könüllüləri Gənclər Təşkilatının 1-ci qurultayında çıxışı zamanı dilə gətirib.Millət vəkilinin qeyd etdiyinə görə dünyanın istənilən ölkəsində müxtəlif çoxsaylı gənclər təşkilatı yaranır və illər ərzində fəaliyyət göstərirlər:“Lakin, heç də onların hamısının fəaliyyəti uğurlu alınmır, çoxları tezliklə sıradan çıxır və ya fəaliyyətləri müsbət qiymətləndirilmir. Ancaq ASAN Könüllüləri Gənclər Təşkilatı yaranmazdan, təsis olunmazdan öncə müsbət fəaliyyət nümunəsi ortaya qoyub və cəmiyyət tərəfindən yüksək qiymətləndirilib”.C.Osmanlı eyni zamanda qeyd edib ki, könüllülük fəaliyyəti insanın könlündən gəlməlidir:“Əgər sizləri “ASAN Xidmətə” zorla cəlb etmiş olsaydılar o zaman, bugünkü kimi gülərüz olmazdınız və müsbət fəaliyyət ortaya qoymazdınız. Sizlər məhz öz könlünüzün qərarı ilə “ASAN Xidmətə” gəlmisiniz və bu müddət ərzində özünüzü könüllülər olaraq doğrultmusunuz”.
