Səhiyyə məsrəflərinin hesab-fakturasını ödəyə bilməyən atalar azyaşlı qızlarını borc aldıqları adamlara satmaq məcburiyyətindədirlər.

AZXEBER.COM-un Türkiyə KİV-lərinə istinadən verdiyi xəbərə görə, söhbət Əfqanıstandakı qaçqın düşərgələrində yaşayan əfqan ailələrinin qızlarından gedir.

Məlumatı “NEW York Times” yayıb.Nəşrin yazdığına əsasən, Taj Muhammed adlı ata arvadının müalicəsi və 9 uşağının xəstəxana məsrəfləri üçün aldığı 2500 dollar pulu ödəyə bilməzsə, 6 yaşlı qızı Nəğməni borc aldığı adamın 17 yaşlı oğluna ərə verməli olacaq.“Nəğmə hələ nələrin olacağından xəbərsizdir. Ona həmin evdə pis davransalar, gərək onların ailəsindən birini öldürəm. Biz hələ də ona “peşaka”- pişik balası deyə müraciət edirik. O evə getsə, yəqin ki ölər. Onlar ona bizim kimi davrana bilməyəcəklər”- deyə, ata bildirib.Qeyd edək ki, musiqiçi atanın 3 yaşlı qızı Canan evə odun ala bilmədikləri üçün donaraq ölüb. Ona görə də, ata qızını borc müqabilində ərə verməyə məcburdur.