"Avea" qondarma "Karabakh Telecom" ilə əməkdaşlıq edir
Bütün Xəbərlər
21:57 13.08.2012
1605
Son zamanlar Azərbaycanın işğal olunmuş ərazisindəki qondarma respublika ilə əməkdaşlıq edən şirkətlər və onların aid olduqları ölkələr haqqında müxtəlif səviyyədə məlumatlar verilir.Məsələnin aktuallığını nəzərə alaraq, AZXEBER.COM bu istiqamətdə öz araşdırmalarını aparıb və ortaya təsirli məqamlar çıxıb. Belə ki, AZXEBER.COM işğal olunmuş ərazilərimizdə yaranmış qondarma "respublika"nın saxta mobil rabitə şirkəti "Karabakh Telecom"la əməkdaşlıq edən ölkələrin siyahısını əldə edib.Son dövrlərə qədər siyahıda adları olan ölkələrin çoxu bu əməkdaşlığın mövcudluğunu inkar etsə də, araşdırmamız bunun tam əksini sübut edir.Həmin ölkələrin sırasında Türkiyədə fəaliyyət göstərən "Avea" mobil rabitə şirkətinin də adı var. AZXEBER.COM olaraq, "Avea" nın məsələ ilə bağlı mövqeyini öyrənmək üçün şirkətin Türkiyədə yerləşən baş ofisinin +90 212 444 15 00 nömrəli telefonu ilə əlaqə saxladıq.Zəngimizə cavab verən operatordan bu məsələyə aydınlıq gətirə biləcək səlahiyyətli şəxsin əlaqə vasitələrini əldə etmək istəsək də O, bunun mümkün olmadığını bildirdi və özü də problemlə əlaqədar hər hansı bir fikir söyləməkdən imtina etdi.
