Danimarka millisinin heyətində "AVRO-1992"nin qalibi olan Lars Elstrup “Randers” və “Silkeborq” arasında ölkə çempionatının oyununda meydana lüt daxil olub.
Keçmiş futbolçu meydanda yoqa hərəkətləri etməyə başlayıb. Daha sonra stadionun mühafizə xidmənin əməkdaşları onu meydandan kənarlaşdırıblar.
Qeyd edək ki, "AVRO-1992”nin ulduzlarından olan Elstrup yarımfinalda Hollandiyaya penaltidən qol vurub. O, karyerasının yaxşı vaxtlarında gözlənilmədən futbolu ataraq buddizmə meyl etməyə başlayıb. Ağır günlər keçirən Elstrup sonra depressiyaya düşüb. O hətta intihar etməyə də cəhd göstərib. Bir müddət sonra isə zorakılıq etdiyi üçün 2 ay müddətinə həbs olunub.
Danimarka mətbuatı yazır ki, Elstrup bir neçə dəfə küçədə lüt gəzdiyi üçün polis tərəfindən saxlanılıb.
“Randers” klubunun prezidenti Maykl Qravqaard isə bildirib ki, bir zamanların əfsanəvi futbolçusu olan Lars Elstrupu indi bu halda görmək çox üzücüdür.
