Yanvar-noyabr ayları ərzində Azərbaycan Avropa İttifaqı ölkələri ilə 13 mlrd. 723 mln. 326 min dollar həcmində ticarət əməliyyatı həyata keçirib.

AZXEBER.COM-un Dövlət Gömrük Komitəsinə istinadən verdiyi xəbərə görə, bu da ticarət dövriyyəsinin illik 6,8 % artmasını deməkdir.Ticarət dövriyyəsinin 10 mlrd. 384 mln. 524 min dollarını Azərbaycandan Avropa İttifaqı ölkələrinə ixrac, 3 mlrd. 338 mln. 802 min dollarını isə həmin ölkələrdən Azərbaycana idxal təşkil edib. İxrac ötən ilin müvafiq dövrü ilə müqayisədə 2 % azalıb, idxal isə əksinə 45 % artıb.Cari ilin ilk on bir ayı ərzində həyatında keçirilən ixrac əməliyyatlarının 47 %-i, idxalın isə 34 %-i məhz Avropa İttifaqı ölkələrinin payına düşüb.Qeyd edək ki, bu ilin yanvar-noyabr ayları ərzində Azərbaycan 148 xarici dövlətlə 31 mlrd. 721 mln. 807 min dollar məbləğində ticarət əməliyyatı aparıb. Ticarət dövriyyəsində 12 mlrd. 264 mln. 684 min dollar məbləğində müsbət saldo yaranıb.Ticarət əməliyyatlarının 21 mlrd. 993 mln. 246 min dolları ixracın, 9 mlrd. 728 mln. 561 min dolları isə idxalın payına düşüb.