AZXEBER.COM Avropa İttifaqının Azərbaycandakı nümayəndəliyinə istinadən xəbər verir ki, bu barədə Avropa Komissiyasının mətbuat xidmətinin yaydığı bəyanatda qeyd olunur.

Bildirilir ki, uzunmüddət gözlənilən bu sazişlə 2019-cu ildən Avropanın ildə 10 milyard kubmetr qaz alması təsdiqlənib.

Bu vaxta qədər qəbul edilmiş qərarlar, eyni zamanda TAP layihəsinin seçilməsi bu yekun investisiya qərarı ilə şərtlənib.

Avropa Komissiyasının Prezidenti Jose Manuel Barrozo qeyd edib ki, “Şahdəniz 2” Konsorsiumu tərəfindən bu günkü qərar Avropanın daha güclü enerji təhlükəsizliyinə qapı açmağa imkan verir:

O bildirib ki, 2011-ci ilin yanvarında Azərbaycan prezidenti İlham Əliyevlə imzalanan birgə bəyannaməyə əsaslanan bu addım Avropa İttifaqının Xəzər hövzəsinin qazına birbaşa çıxışı deməkdir:

“Enerji daşıyıcılarının nəql marşrutlarının diversifikasiyası avropalı istehlakçıların və biznesin rifahına kömək edəcək”.

Avropa İttifaqının enerji məsələləri üzrə komissarı Güntər Ottinger bildirib ki, Cənub qaz Dəhlizinin açılması yolunda bu saziş mühüm irəliləyişdir.

Onun sözlərinə görə, gələcəkdə həcmin artırılması ilə uzunmüddət Avropanın 20% qaz ehtiyacı ödəniləcək.