Ümumdünya Səhiyyə Təşkilatının (ÜST) Avropa regionunda COVID-19-a yoluxma və koronavirusdan ölüm hallarının sayı fevralın 10-dan bəri durmadan azalır.
AZXEBER.COM TASS-a istinadən xəbər verir ki, bu barədə çərşənbə axşamı keçirdiyi brifinqdə ÜST-nin Avropa Regional Bürosunun direktoru Hans Kluge bildirib.
"ÜST-nin Avropa regionunda fevralın 10-dan etibarən COVID-19-a yoluxma və bu xəstəlikdən ölüm hallarının sayı hər həftə azalır”, - o deyib.
Kluge eyni zamanda region ölkələrini vaksinasiya və yüksək sayıqlığın dəstəklənməsi ilə nikbinliyi tarazlamağa çağırıb.
ÜST həmçinin ictimai sağlamlıq və sosial tədbirlərlə, o cümlədən testdən keçməklə bağlı istənilən məhdudiyyətlər aradan qaldırılarsa belə, tələb olunduqda onların tez bir zamanda bərpa oluna bildiyini görmək istəyir.
