Müəllif: Nuranə Quliyeva
Göygöl şəhər Uşaq musiqi məktəbinin direktoru
Silah gücünə iqtidara gələn AXC-Müsavat cütlüyünün səriştəsizliyi və özbaşınalığı səbəbindən ölkə çətin günlərini yaşadı, ölkə anarxiya, xaos, hərc-mərcliklə üz-üzə qaldı. Qanunsuz silahlılar, quldur dəstələri meydan sulayırdılar. Həmin günlərdə məmur özbaşınalığı, korrupsiya, rüşvətxorluq gündəlik həyatın reallığına çevrilmişdi. İqtidarın səriştəsizliyi nəticəsində Azərbaycan iqtisadi böhranın ağır fəsadlarını yaşayır, ölkə parçalanmaq üzrə idi.
Ona görə də Azərbaycanın dağılmaq və parçalanmaq təhlükəsi ilə üzləşdiyi vaxtda xalqımızın özünün böyük oğlu, həyatı və mübarizəsi üçün ümummilli liderlik missiyası xarakterik olan Heydər Əliyevə üz tutması təsadüfi deyildi. Hər kəs yaxşı bilirdi ki, ölkədəki hərc-mərcliyi, itaətsizliyi, anarxiyanı, siyasi çəkişmələri, qardaş qırğınını, hərbi xəyanəti, qanunsuz silahlı dəstələrin Bakıya yürüşünü, yalnız bu böyük insan aradan qaldıra bilər. Belə də oldu, Heydər Əliyevin Ali Sovetin Sədri seçildiyi 15 iyun tarixi təqvimə Milli Qurtuluş Günü kimi həkk olundu.
