Yeni televiziya mövsümünün ən iddialı layihələrindən biri hesab olunan "Aşk və Taxt" serialının aktyor heyəti daha bir məşhur adla güclənib.
AZXEBER.COM Türkitə mətbuatına istinadən xəbər verir ki, "Bozdağ Film" tərəfindən Atv kanalı üçün hazırlanan tarixi serialda baş rollardan birinidə Ayça Bingöl rol alacaq.
Məşhur aktrisa layihədə "Baş Xatun Ümmühan" obrazını canlandıracaq.
Bu rol üçün daha əvvəl Ceyda Düvencinin adı hallansa da, son qərar Ayça Bingölün xeyrinə verilib.
Serialın süjeti Anadolu Səlcuqlu Dövlətinin ən qüdrətli hökmdarlarından olan Sultan Əlaəddin Keyqubadın həyatından bəhs edir. Baş rolda Akın Akınözü "Sultan Əlaəddin Keyqubad"ı, Simay Barlas isə "Melikə Xatun"u canlandıracaq.
Layihənin rejissorları Taylan qardaşlarıdır. Ssenarini isə Serdar Özönalan, Hasan Erimez, Özlem Atasoy və Melek Yalçın qələmə alır. Hazırda serialın hazırlıq və məşq prosesi davam edir.
Aysel
