"Aygün xəstə olanda heç kim onunla ya da balası ilə maraqlanmadı. İndi hamı deyir Canan necə olacaq?"
Bu sözləri Aygün bəylərin bacısı Zümrüd Aygün AZXEBER.COM -a müsahibəsində deyib.
O, verilişlərin reytinq xatirinə şəxsi həyatla bağlı suallar verib reytinq yığdığını deyib:
"Bunlar sdəcə fürsətdən istifadə idi. Məni verilişə çağıranda əvvəlcədən maraqlanıram mövzu nədir, suallar nə olacaq? Deyirəm şəxsi suallar olmasın. Hamısı deyir ki, problem yoxdur, narahat olmayın. Amma gedirsən, 2 sual sənətindən olursa, qalanları şəxsi mövzuda verilir. Olmaz! Çünki Canan da böyük qızdır, özü böyüyəcək, 18 yaşında, inşallah, ağlı kəsəcək. Biləcək nə nədir, öz həyatını quracaq. Aygün bir il yarım xəstə yatdı. Heç bir jurnalist, müğənni, sənətçi onun balasıyla, onun özüylə, səhhətiylə, maraqlanmadı. Yəni, il yarım heç kim onu axtarmadı. İndi isə hamı deyir yazıq Canan necə dolanır, kim baxır, atasının yanına getdi. Mən əsəb keçirdirəm bunlardan".
Zümrüd xanım Cananla bağlı da bəzi açıqlamalar edib:
"Aygün xəstəlik dönəmlərində işləməyəndə kim maraqlandı ki, Canan necədir? Aygünün hər zaman dəstəkçiləri olub, şükür hər bir şeyi də var idi. Məsləhət bilsə Aygün özü şəxsi həyatını çıxıb danışardı. Səhv eləmirəmsə, bir-iki dəfə çoxdan danışmışdı. Canan yaxşıdır, atasının yanına getməyib. Avropa-Azərbaycan məktəbində oxuyur. Gələcəkdə də atası ilə münasibət qurub-qurmamağa özü qərar verəcək".
Aysel Hacızadə
