Azərbaycanın Almaniyadakı səfiri Pərviz Şahbazov öz növbəsində forum iştirakçılarını salamlayaraq, enerji dolu azərbaycanlı gəncləri Manhaymda görməkdən məmnun olduğunu vurğulayıb.
Azərbaycan Milli Məclisinin üzvü, gənc millət vəkili Ceyhun Osmanlı bu növ forumların və xaricdə təhsil alan gənclərimizin şəbəkələşmələrinin əhəmiyyəti haqqında fikirlərini iştirakçılarla paylaşıb.
Təhsil Nazirliyinin Xarici Əlaqələr Şöbəsinin müdiri Qulu Novruzov iştirakçıları salamlayaraq 2007-2015-ci illər Xaricdə Təhsil Dövlət Proqramı vasitəsilə xaricdə təhsil alan gənclərimiz haqqında bəzi statistik məlumat verib.
Diaspora Komitəsinin nümayəndəsi Vaqif Seyidbəyli xaricdə təhsil alan hər bir gəncimizi həmin ölkədə olan mənəvi səfirimiz olduğunu deyib.
Daha sonra T.e.d Qurban Müslümov Azərbaycan Tibb Təhsili və elmin gələcək perspektivləri haqqında fikirlərini paylaşıb. Açılış mərasimi sonunda Manhaym Universitetin tibb fakültəsi dekanı Prof. Dr. Harald Klüter Manhaym Klinikasında tibb təhsil sistemi modeli haqqında iştirakçıları məlumatlandırıb.
Tədbir tibb təhsili və elmi haqqında maraqlı təqdimatlarla davam edir. Günün sonunda Azərbaycanın Almaniyadakı səfirliyinin təşkilatçlığı ilə Forum çərçivəsində Azərbaycanın müstəqilliyinin 20 illiyinə həsr olunan ziyafət təşkil ediləcək.
Milli.Az
