AFFA İntizam Komitəsinin növbəti toplantısı keçirilib. ANS PRESS-in AFFA-ya istinadən verdiyi məlumata görə, toplantıda futbol qarşılaşmalarında baş tutan bir sıra mübahisəli məqamlar müzakirə edilib.
İntizam Komitəsinin çıxardığı qərarları nəzərinizə çatdıdırırıq: 12 fevral 2011-ci il tarixində XIX Unibank Premyer Liqasının XX turunun “Bakı” – “Muğan” matçında “Bakı” klubunun 4 futbolçusu sarı vərəqə ilə cəzalandığı üçün klub 1000 (min) manat cərimə olunur.
11 fevral 2011-ci il tarixində XIX Unibank Premyer Liqasında çıxış edən klubların əvəzedici heyətlərinin XX turunun MOİK – “Turan” matçının 40-cı dəqiqəsində “Turan” klubunun 7 №-li futbolçusu Cavid Tağıyev kobud oyuna görə birbaşa qırmızı vərəqə alaraq meydandan kənarlaşdırıldığı üçün futbolçu 2 oyunluq cəzalanır, klub 1000 (min) manat cərimə olunur.
11 fevral 2011-ci il tarixində XIX Unibank Premyer Liqasında çıxış edən klubların əvəzedici heyətlərinin XX turunun “İnter” – “Simurq” matçında “İnter” klubunun 5 futbolçusu sarı vərəqə ilə cəzalandığı üçün klub 500 (beş yüz) manat cərimə olunur. Matçın 62-ci dəqiqəsində “Simurq” klubunun 13 №-li futbolçusu Elçin Süleymanov hakimi təhqir etdiyinə görə birbaşa qırmızı vərəqə alaraq meydandan kənarlaşdırıldığı üçün futbolçu 4 oyunluq cəzalanır, klub 2000 (iki min) manat cərimə olunur.
12 fevral 2011-ci il tarixində I divizionun XIV turunun “Şuşa” – “MKT-Araz” matçında “MKT-Araz” klubunun 4 futbolçusu sarı vərəqə ilə cəzalandığı üçün klub 100 (yüz) manat cərimə olunur. 12 fevral 2011-ci il tarixində I divizionun XIV turunun “Göyəzən” – “Bakılı” matçının 79-cu dəqiqəsində “Bakılı” klubunun 8 №-li futbolçusu Samir Quliyev əllə oyuna görə ikinci sarı vərəqə alaraq meydandan kənarlaşdırıldığı üçün futbolçu 1 oyunluq cəzalanır, klub 20 (iyirmi) manat cərimə olunur. Oyun başa çatdıqdan sonra “Bakılı” klubunun baş məşqçisi Elçin Həsənov geniş kütlə qarşısında AFFA və PFL-in nümayəndələrinin ünvanına nalayiq ifadlər işlətmiş, oyun hakimlərinə hədə-qorxu gəlmiş və onları təhqir etmişdir. Bu səbəbdən də adıçəkilən şəxs 17 oyunluq cəzalanır, klub 2650 (iki min altı yüz əlli) manat məbləğində cərimə olunur.
13 fevral 2011-ci il tarixində I divizionun XIV turunun “Energetik” – “Neftçi” İSM matçında hər iki klubun 4 futbolçusu sarı vərəqə ilə cəzalandığı üçün hər iki klub 100 (yüz) manat cərimə olunur. 8 fevral 2011-ci il tarixində “Azercell U-17 Liqa”nın MOİK – AZAL matçında MOİK klubu iştirak etmədiyi üçün 0:3 hesablı texniki məğlubiyyət verilir. 8 fevral 2011-ci il tarixində “Azercell U-17 Liqa”nın “Simurq” – “Xəzər Lənkəran” matçının 79-cu dəqiqəsində “Simurq” klubunun 8 №-li futbolçusu Roini İsmayılov əllə oyuna görə ikinci sarı vərəqə alaraq meydandan kənarlaşdırıldığı üçün futbolçu 1 oyunluq cəzalanır. Oyun başa çatdıqdan sonra “Xəzər-Lənkəran” klubunun 17 №-li futbolçusu Turqut Hüseynzadə hakimləri təhqir etdiyinə görə futbolçu 4 oyunluq cəzalanır.
8 fevral 2011-ci il tarixində “Azercell U-17 Liqa”nın “Qəbələ” – “Qarabağ” matçının 58-ci dəqiqəsində “Qəbələ” klubunun 16 №-li futbolçusu Bəhram Mehdizadə hakimi təhqir etdiyinə görə birbaşa qırmızı vərəqə alaraq meydandan kənarlaşdırıldığı üçün futbolçu 4 oyunluq cəzalanır. 8 fevral 2011-ci il tarixində “Kapital Bank U -15 Liqa”nın “Muğan” – “MKT-Araz” matçında “MKT-Araz” klubu iştirak etmədiyi üçün 0:3 hesablı texniki məğlubiyyət verilir. 9 fevral 2011-ci il “Kapital Bank U -15 Liqa”nın “Gəncə” – “Simurq” matçında “Simurq” klubu iştirak etmədiyi üçün 0:3 hesablı texniki məğlubiyyət verilir. 13 fevral 2011-ci il tarixində futzal üzrə I dəstənin “Olimpik Star” – “İnteqral” matçının 35-ci dəqiqəsində “İnteqral” klubunun 4 №-li futzalçısı Kristofer Okeman hakimi təhqir etdiyinə görə birbaşa qırmızı vərəqə alaraq meydandan kənarlaşdırıldığı üçün futzalçı 4 oyunluq cəzalanır. 13 fevral 2011-ci il tarixində futzal üzrə I dəstənin “Neftçi” – “Evro ABM” matçında “Evro ABM” klubu iştirak etmədiyi üçün 0:5 hesablı texniki məğlubiyyət verilir.
