Vüqar Həşimovun vəfatı Azərbaycan xalqı, ictimaiyyəti, idmanı üçün bu gün ağır itkidir.
AZXEBER.COM xəbər verir ki, bu barədə gənclər və idman naziri Azad Rəhimov jurnalistlərə açıqlamasında deyib.O bildirib ki, V.Həşimov çox istedadlı, gənc, dünyanın ən yaxşı şahmatçılarından biri idi.“Uzun müddətdir xəstə olarkən müalicə olunurdu. Ancaq hamıya məlumdur ki, bu xəstəlik müalicə olunmur. Baxmayaraq ki, ölkə prezidentinin xüsusi tapşırığına əsasən və Dövlət Neft Şirkәti, Gənclər və İdman Nazirliyi tərəfindən bütün təşkilati məsələlər həll olunmuşdu və Almaniyada xüsusi klinikada müalicə aparılmışdı.Lakin biz artıq Vüqarı itirmişik. Ancaq mən belə düşünürəm ki, o bizimlədi. Və idmançılar bunu hər zaman yada salacaqlar. Mən bütün idman sevərləri çağırıram ki, bu gün onu yad edək və Allah rəhmət etsin deyək”.Nazir bildirib ki, istərdik ki, bu cür yüksək səviyyəli idmançının xatirəsi əbədiləşdirilsin.“Bilirsiniz ki, bu qərarı dövlət qəbul edir. Bunu nazirlik qəbul edə bilməz. Buna görə də, hər hansı bir təklifləri cənab prezidentlə məsləhətləşmək vacibdir. Onun fikirləri və baxışı önəmlidir. Son iki gün ərzində onun adını daşıyan hər hansısa bir küçə, mərkəz, kompleksin olması ilə bağlı təkliflər gəlir. Ancaq hal-hazırda hansı qərar qəbul ediləcək deyə bilmərəm”.
