Mən əslində radikal müxalifətin daxili işlərinə, orada baş verən intriqalara qarışmaq istəmirəm.
Çünki həmin iki partiya - “Müsavat” və AXCP arasındakı intriqa mənim üçün şəxsən maraqlı deyil.Bu sözləri millət vəkili Azay Quliyev dilə gətirib.Millət vəkilinin dediyinə görə, “Müsavat” tərəfindən İsa Qəmbərin prezidentliyə namizədliyinin irəli sürülməsindən sonra hər iki partiya arasında yenidən qızışan məlum intriqanın əslində ölkədəki ictimai-siyasi proseslərə də elə bir ciddi təsiri olmadığı üçün bu, diqqəti cəlb etmir:“Ümumiyyətlə, onlar arasında heç zaman səmimi münasibət olmayıb və zaman-zaman olan “müttəfiq”likləri də süni şəkildə yaradılmış müttəfiqlik idi. Bir balaca imkan düşən kimi isə, biz bir daha gördük ki, bunlar heç bir ideya ətrafında və konkret siyasi-ideoloji istiqamətdə birləşməyiblər.Onları hər zaman olduğu kimi, şəxsən partiya maraqları daha çox düşündürür. Ona görə də bu iki təşkilat arasında yaşanan proseslər gözlənilən idi. Düzdür, bir az erkən başladı, amma hər halda, bu, onların daxili işləridir, özləri bilərlər...” /// gun.az
