Azərbaycanın məşhur boksçusu, "Qəbələ" klubunun boks bölməsinin rəhbəri Fariz Məmmədovun maraqlı görüntüləri yayılıb.
1992-ci ildə Farizin 12 yaşı olarkən lentə alınmış görüntülərdə idmançı hərbi formadadır və əlində avtomat var. Ədil Arifoğlunun çəkdiyi bu görüntülərdə onun Ağdamın müdafiəsi zamanı dayanan əsgərlərin arasında olduğu görünür.
Qeyd edək ki, Məmmədov 12 yaşında könüllü olaraq Azərbaycanın Milli Qəhrəmanı, "Qarabağ" futbol klubunun sabiq futbolçusu Allahverdi Bağırovun rəhbərlik etdiyi özünümüdafiə batalyonuna qoşulub və əsgərlərə köməklik göstərib. (qaynarinfo)
