İstanbul Türkiyə Azərbaycan Dəstək və Mədəniyyət Dərnəyinin (İstanbul Türkiye Azerbaycan Dayanışma ve Kültür Derneği) sədr müavini Abbas Murad Danışmanlı bu gün İstanbulda intihar edib.
Bu barədə ans press-ə dərnəkdən məlumat veriblər. Məlumata görə, sədr müavini bu gün özünü yaşadığı binanın 6-cı mərtəbəsindəki mənzilin pəncərəsindən atıb. Danışmanlı aldığı xəsarətlərdən hadisə yerindəcə dünyasını dəyişib.
Hələlik onun hansı səbəbdən intihar etdiyi barədə məlumat verilmir.
Mərhumun "Facebook" sosial şəbəkəsindəki profilinə ölümüylə bağlı çoxsaylı başsağlığı mesajları yazılıb.
