"Azərbaycan diasporunun güclənməsi Paşinyanı qorxuya salıb" - Deputat

SİYASƏT
15:21 04.08.2020
1668
Erməni diasporasının və lobbisinin uğursuzluqları bu ölkədə ciddi təşvişə səbəb olub. Son vaxtlar dünyanın müxtəlif ölkələrində ermənilər və azərbaycanlılar arasında baş verən qarşıdurmalar bu prosesdə həlledici rol oynayır. Belə ki, ermənilər azərbaycanlıları təxribata çəkməklə böyük dövlətlərin siyasi dəstəyini qazanmağa ümid etsələr də onların bu cəhdi əks-effekt verir.

Erməni diasporasının güclü olduğu Fransa, Rusiya, ABŞ kimi ölkələr də rəsmi səviyyədə onlara heç bir dəstək vermədi. Bunun əksinə olaraq, ABŞ Konqresində Azərbaycanın işğal olunmuş ərazilərində məcburi köçkünlərin vəziyyətinin araşdırılmasına dair qətnamə qəbul olundu. Eyni zamanda, ABŞ Nümayəndələr Palatası erməni lobbisinin təqdim etdiyi Azərbaycana hərbi dəstəyin dayandırılmasına dair düzəlişi qəbul etmədi. Bundan başqa müxtəlif ölkələrdə azərbaycanlıların erməni vəhşiliyi əleyhinə təşkil etdiyi aksiyalar düşmən ölkəninin iqtidarını ciddi təşvişə salıb.

Məhz bu uğursuzluqlara görə Ermənistanın Baş naziri Nikol Paşinyan Diasporla iş Komitəsində 4 nəfərin vəzifəsini dəyişib və 10 məhsul işçini vəzifəsindən azad edib. Paşinyanın bu strukturda həyata keçirdiyi təmizləmə əməliyyatı erməni lobbisinin "gücü” haqqında mifin dağıdılması, xaricdə yaşayan azərbaycanlıların fəallığı qarşısında aciz durumda qalmalası ilə bağlıdır.
 


Məsələ ilə bağlı AZXEBER.COM-a açıqlama verən Milli Məclisin deputatı Müşfiq Cəfərov deyib ki, erməni diasporları Paşinyanın bütün ümidlərini puç edib:

"Düşünürəm ki, Ermənistanın mövcud vəziyyətində diasporları özlərini doğrultmayıb və buna görə də orada vəziyyət dəyişib. Kütləvi işdən çıxarmalar da məhz bununla bağlıdır. Artıq Paşinyan da anlayır ki, yalanlarla çox uzağa getmək olmaz. Çünki artıq köhnə qaydalar işə yaramır. Onlar xarici ölkələrdə yaşayan azərbaycanlılarımız tərəfindən aciz durumda qalıblar. Bunu görmək üçün xaricdə baş tutan etiraz aksiyalarına baxmaq kifayətdir.

Deputat Azərbaycan diasporlarının da işinin yüksək qiymətləndirib:

Bunun da başlıca səbəbi Azərbaycan diasporlarının yüksək peşəkarlığı və Azərbaycanın haqq səsini dünyaya çatdırmaları ilə bağlıdır. Bizim diaspora Avropa və ABŞ-da çox güclənib. Bizim hər birimiz bunun şahidi olduq. Məhz bu güclənmə də düşməni qorxuya salıb, Paşinyan da bu addımı atmağa məcbur olub. Diasporamız bundan sonra da daha yaxşı və güclü faliyyət göstərməli, bununla kifayətlənməməlidir".

Günel Hüseynli

OXŞAR XƏBƏRLƏR

X Mostbet