"Əlində avtomat olan Azərbaycan əsgəri (Nəsimi Musayev - red.) saxlanma zamanı heç bir müqavimət göstərməyib və başa düşdüyüm qədərilə xəsarət alıb”.
Ermənistan mətbuatı xəbər verir ki, bu sözləri parlamentdə çıxışı zamanı Ermənistanın Baş naziri Nikol Paşinyan deyib.
O, saxlanma kadrlarının yayımlanmamasının məhz bununla bağlı olduğunu istisna etməyib. Paşinyan ümumiyyətlə saxlanılma zamanı çəkilişin aparılıb-aparılmadığını deyə bilməyib, lakin bunu dəqiqləşdirib əlavə məlumat verəcəyini vəd edib. Eyni zamanda, Baş nazir hüquq-mühafizə orqanlarından olan həmkarlarından insanların saxlanma kadrlarının yayımlanmasından çəkinmələrini xahiş etdiyini etiraf edib.
"Daim suallar səslənir: erməni, türk, azərbaycanlı. Bunu vurğulamaqda məqsəd nədir? Bu nə verir? Bu hadisənin bizim mətbuatda müşahidə etdiyimiz bütün spekulyasiyalarla heç bir əlaqəsi yoxdur. İş o yerə çatıb ki, insanlar bərqərar olmuş sülhü şübhə altına alırlar, halbuki bu hadisədən əvvəl də şübhə altına alırdılar. Belə insanlar üçün nə baş verdiyinin, bunun niyə və hansı şəraitdə baş verdiyinin əhəmiyyəti yoxdur”, - Paşinyan əlavə edib.
Qeyd edək ki, erməni teleqram kanalları Nəsimi Musayevin Ermənistan ərazisində aşkar edilərkən guya yerli sakinə xəsarət yetirməsini iddia edirdi.
///qafqazinfo///
