Azərbaycan məktəbliləri JBMO 2026-da möhtəşəm uğur qazanıb.
AZXEBER.COM xəbər verir ki, Rumıniyada keçirilən Yeniyetmələrin Balkan Riyaziyyat Olimpiadasında (JBMO 2026) Azərbaycan komandası uğurla çıxış edərək ölkəmizə 3 gümüş və 3 bürünc medal qazandırıb.
Gümüş medal qazanan şagirdlər:
• Eldar İsmayılov – Bakı Avropa Liseyinin IX sinif şagirdi
• Alikamal Həsən – Bakı şəhər "Gənc istedadlar” liseyinin IX sinif şagirdi
• Gülay Əlizadə – Bakı şəhər fizika, riyaziyyat və informatika təmayüllü liseyin IX sinif şagirdi
Bürünc medal qazanan şagirdlər:
• Toğrul Həmidli – Gəncə şəhər fizika, riyaziyyat və informatika təmayüllü liseyin IX sinif şagirdi
• Yusif Qurbanlı – Gəncə şəhər fizika, riyaziyyat və informatika təmayüllü liseyin IX sinif şagirdi
• Şamil Abbasov – Bakı şəhər fizika, riyaziyyat və informatika təmayüllü liseyin VIII sinif şagirdi
Qeyd edək ki, Yeniyetmələrin Balkan Riyaziyyat Olimpiadası (JBMO) regionun ən nüfuzlu riyaziyyat yarışlarından biri hesab olunur və hər il müxtəlif ölkələrdən yüzlərlə istedadlı məktəblini bir araya gətirir.
Azərbaycanı beynəlxalq arenada layiqincə təmsil edən şagirdlərimizi, onların müəllimlərini və valideynlərini ürəkdən təbrik edir, gələcək yarışlarda yeni-yeni qələbələr arzulayırıq!
