Azərbaycan milli komandası London-2012-yə 11-ci lisenziyasını qazandı
İDMAN
12:47 14.09.2011
1871
Yunan-Roma güləşi üzrə İstanbulda keçirilən dünya çempionatında Azərbaycan milli komandası 11-ci lisenziyasını qazanıb. Mundialın ikinci günündə bu uğura pəhləvanımız Saman Təhmasibi (84 kq) imza atıb. Belə ki, həmyerlimiz 1/8 finalda belaruslu Albert Səlimova uduzsa da, rəqibinin finala kimi irəliləməsi onun təsəlliverici görüşlərə qatılması ilə nəticələnib. Nəticədə ilk “6-lığa” düşməyi bacaran Təhmasibi London-2012-yə lisenziyaya sahib çıxıb. Güləşçimiz Olimpiadaya vəsiqəni təmin etdikdən sonra bürünc medal uğrunda görüşə zədə səbəbindən çıxmayıb. Digər təmsilçilərimiz - Həsən Əliyev (60 kq) və Məsut Haşımzadə (120 kq) isə erkən mərhələdə məğlubiyyətlə üzləşdiklərindən, dünya çempionatında lisenziya arzularını reallaşdıra bilməyiblər.
