'Azərbaycan naminə' foto-müsabiqəsinə start verilib

Qeyd olunan müsabiqə müasir Azərbaycanın memarı, xalqımızın ümummilli lideri Heydər Əliyevin anadan olmasının 90 illiyinə və 15 İyun – Milli Qurtuluş Gününün 20 illiyinə həsr olunur. Layihənin əsas məqsədi ulu öndər Heydər Əliyevin zəngin irsinin gənc nəslə aşılanması, milli – mənəvi dəyərlərin gənclər arasında təbliği, gənclərin yaradıcılıq potensialının üzə çıxarılmasından ibarətdir. Layihənin rəhbəri Toğrul Əliyevin bildirdiyinə görə müsabiqə ulu öndər Heydər Əliyevin aşağıdakı müdrik kəlamları mövzusunda keçirilir:1) ``Hər bir insan üçün onun milli mənsubiyyəti onun qürur mənbəyidir. Mən həmişə fəxr etmişəm, bu gün də fəxr edirəm ki, mən Azərbaycanlıyam !``2) “İqtisadiyyatı güclü olan dövlət hər şeyə qadirdir !”3) “Müstəqil Azərbaycan dövləti bizim ən böyük tarixi nailiyyətimizdir !”4) “Yüksək mədəniyyətə malik olan xalq həmişə irəli gedəcək, həmişə yaşayacaq, həmişə inkişaf edəcəkdir !”5) “Qarşımızda duran vəzifələrdən biri də gəncliyi daha yaxşı hazırlamaq, tərbiyə etməkdən ibarətdir !”Qeyd edək ki, müsabiqə iki mərhələdən ibarətdir: Birinci mərhələ (1 oktyabr – 31 oktyabr 2013 – cü il tarixləri arası): müsabiqədə iştirak etmək istəyənlər verilmiş mövzular üzrə çəkdikləri fotoşəkilləri özləri haqqında məlumatla birlikdə layihənin təşkilat komitəsinin rəsmi e-mail ünvanına göndərməlidirlər- [email protected]/* */Müsabiqəyə təqdim olunan fotoşəkillər toplanacaq və münsiflər heyətinin müzakirəsinə təqdim olunacaq. Münsiflər heyətinin müsbət rəyini almış fotoşəkillər müsabiqənin ikinci mərhələsinə buraxılacaq.İkinci mərhələdə (1 noyabr – 30 noyabr 2013 – cü il tarixləri arası) münsiflər heyətinin müsbət rəyini almış fotoşəkillər müsabiqənin rəsmi “facebook” səhifəsində (“www.facebook.com/2013musabiqe”) yerləşdiriləcək və səsverməyə çıxarılacaq. Qaliblər hər nominasiya (mövzu) üzrə toplanmış səslər (like) əsasında müəyyənləşdiriləcək (hər nominasiya (mövzu) üzrə 1-ci, 2-ci və 3-cü yerlər).Müsabiqənin sonunda (2013 – cü ilin dekabr ayı) qaliblər mükafatlandırılacaq, müsabiqəyə təqdim olunmuş fotoşəkillərdən ibarət foto sərgi təşkil olunacaq və kataloq çap olunacaq.