Azərbaycan Tədris Akademiyası fəaliyyətə başladı (FOTOLAR+VİDEO)
GƏNCLİK
20:23 08.12.2011
3854
Ölkəmizdə gənclər siyasətinə böyük önəm verildiyi və bu sahədə olan təşəbbüslərin dəstəkləndiyi bir zamanda Bakıda Azərbaycan Tədris Akademiyası (A.S.A) təlim qurumu fəaliyyətə başladı. Müxtəlif ixtisaslı tələbə və gənclər üçün nəzərdə tutulan bu akademiya və onun tərkibində fəaliyyət göstərəcək təlim kursları gələcəyin peşəkarlarının nəzəri cəhətdən daha məlumatlı, daha təcrübəli mütəxəssis olaraq yetişmələrinə zəmin hazırlığı məqsədi daşıyır. A.S.A – nın hədəfi Azərbaycanda müasir templərə və beynəlxalq standartlara uyğun şəkildə təlim almış insanları və resursları bir araya gətirəcək innovasiya mərkəzi qurmaqdır. Azərbaycan Tədris Akademiyası bu gün hər bir şirkətdə, qurumda böyük ehtiyac duyulan ixtisaslı, müasir kadrların yetişməsi üçün özünəməxsus təlim «poliqonu» olacaq.Azərbaycan Tədris Akademiyasında (Azerbaijan Study Academy) 4 istiqamət üzrə (Media, menecment, yaradıcılıq və psixologiya) peşəkar təlimlər olacaq. Media School – da ölkədə tanınmış media mənsublarının kursları və ustad-dərsləri təşkil ediləcək – İlhamiyyə Rzayeva, Nərgiz Cəlilova, Vəfalı Ənsər, İlhamə Novruzova, Samirə Mustafayeva, Vəsilə Vahidqızı və başqaları öz dəst-xətlərini gənc nəslə ötürəcəklər.
ASA nədir?
Burada -
Treninq və master-klaslarin təşkili – yeni standartlarla tanışlıq;Müxtəlif mövzuları əhatə edən filmlərin nümayişi və müzakirələr, monitorinq;Problem mövzuların müzakirəsi – debat, dəyirmi masa, tok-şou formatında;
Bu günkü təqdimat mərasimində millət vəkili İlham Məmmədov, tanınmış jurnalistlər Nərgiz Cəlilova, İlhamiyyə Rzayeva, İlhamə Novruzova, Sayqa Cahid, “Araz FM” radiosunun baş redaktoru Vüsalə Kərimova, İctimai TV – nin aparıcısı Vəsilə Vahidqızı, “Milli Məclis” jurnalının baş redaktoru Ülviyyə Abdullayeva, Azad Azərbaycan kanalının xəbər aparıcısı Samirə Mustafayeva, kinorejissor Şeyx Əbdül, şair Baba Vəziroğlu, “Təmiz dünya” İB – nin sədri Mehriban Zeynalova, Azərbaycan Media Mərkəzinin layihələr üzrə koordinatoru Seymur Kazımov, media hüququ üzrə mütəxəssis Vüsal Quliyev, tele prodüser Kemal Cenk İçten, sayt rəhbərləri, gənc jurnalistlər Fərid Şahbazlı, Hacıbəy Heydərli, Əfsələddin Ağalarov və digərləri çıxış edərək, fikirlərini bölüşdülər.
