Azərbaycanın "İslahatçı Gənclər” İctimai Birliyinin sədri Fərid Şahbazlı və Azərbaycan Respublikası Mətbuat Şurasının üzvü Hacıbəy Heydərli Özbəkistanın ən böyük və tanınmış media qruplarından olan Daryo.uz-u ziyarət ediblər.
AZXEBER.COM xəbər verir ki, bu barədə F. Şahbazlı özünün "Facebook” hesabında məlumat verib.
Məlumata görə, görüş zamanı Azərbaycan və Özbəkistan mediası arasında əməkdaşlığın perspektivləri müzakirə edilib:
"Daşkənddəyik. Özbəkistanın ən böyük və tanınmış media qruplarından olan Daryo.uz-u ziyarət etdik. Görüşdə Azərbaycan və Özbəkistan mediası arasında əməkdaşlığın perspektivlərini müzakirə etdik. Özbək həmkarlarımıza Azərbaycanda həyata keçirilən media islahatları haqqında məlumat verdik və Bakıya səfərə dəvət etdik”.
