Azərbaycana 95%-dən artıq narkotik İran ərazisindən daxil olur.
AZXEBER.COM xəbər verir ki, bu barədə Dövlət Gömrük Komitəsinin sədri Aydın Əliyevbildirib.O qeyd edib ki, son illər Xəzəryanı ölkələrdən narkotik vasitələrin daşınması hallarına az rast gəlinir:“İranla danışıqlar aparırıq, amma bu tək bizim üçün yox, İranın özü üçün də problemdir. Çünki Əfqanıstan bölgəsi ən böyük istehsalçılardan biridir və narkotiklərin bu marşrutla daşınmasının qarşısının alınması iki ölkənin təşəbbüsü ilə həll olunmalı məsələ deyil”.A.Əliyev bu problemin həlli üçün mütəmadi bir neçə ölkənin iştirakı ilə tədbirlərin keçirilməsini vacib hesab edir.
Gömrük Komitəsinin Hüquqpozmaları və Qaçaqmalçılığa qarşı Mübarizə İdarəsinin rəisi Güloğlan Muradlı da qeyd edib ki, 35% narkotik Əfqanıstandan, İrandan Balkan ölkələrinə, 25% isə Şimal istiqamətində daşınır.
Onun sözlərinə görə, Azərbaycana gəldikdə isə əgər əvvəllər daha çox yüngül narkotik vasitələri gətirilirdisə, son illərdə isə daha çox həşiş, heroin və digər güclü təsiredici narkotiklər gətirilir:
“Son illərdə ənənəvi marşrut isə Əfqanıstan-İran-Azərbaycan, daha sonra isə Gürcüstan, Rusiya və digər MDB ölkələri ərazisindən Avropaya daşınma hesab olunur.
Əvvəllər isə Şimal marşrutu ilə Orta Asiyadan Azərbaycana, sonra isə üçüncü ölkə vasitəsi ilə Avropaya daşınırdı”.
