Azərbaycanda bir gecədə baş verən 19 yol qəzasında 14 nəfər ölüb, 22 nəfər xəsarət alıb. Ötən gün isə ölkə ərazisində baş verən yol nəqliyyat hadisəsi zamanı 8 nəfər dünyasını dəyişmişdi. Bununla da son 2 gündə yol qəzalarında ölənlərin sayı 25 nəfərə çatıb. Qəzaların böyük əksəriyyəti VAZ markalı avtomobillərin iştirakı ilə baş verib. Millət vəkili Çingiz Qənizadənin fikrincə, ölümlə nəticələnən qəzaların qarşısını almaq üçün qaydalar sərtləşdirilməli və telekanallar vasitəsi ilə maarifləndirmə işləri aparılmalıdır.Millət vəkili Fazil Mustafa isə hesab edir ki, ölümlə nəticələnən ağır yol qəzaları əsasən köhnə avtomobillərin iştirakı ilə baş verdiyindən bu avtomobillər dövriyyədən çıxarılmalıdır. İlk növbədə isə texniki göstəriciləri müasir tələblərə cavab verməyən avtomobillər yığışdırılmalıdır.Qeyd edək ki, 2011-ci ildə ölkə ərazisində baş verən yol qəzalarında 1016 nəfər ölüb, 3031 nəfər isə xəsarət almışdısa, 2012-ci ilin təkcə son 5 ayı ərzində 1035 belə yol-nəqliyyat hadisəsi qeydə alınıb. Qəzalar nəticəsində 313 nəfər ölüb, 1144 nəfər yaralanıb. Son bir ayda isə yol qəzalarında ölənlərin sayı 100-dən çoxdur.
