Azərbaycanda aliment ödənişləri ilə bağlı icraatda olan işlərin rəsmi statistikası açıqlanıb.
AZXEBER.COM xəbər verir ki, Ədliyyə Nazirliyindən Modern.az-ın sorğusuna cavab olaraq bildirilib ki, 2026-cı ilin ilk 6 ayı ərzində qurumun icraatında 131 mindən çox aliment işi olub.
Məlumata görə, həmin işlərdən 126 minədək icraat üzrə tam və ya müəyyən gecikmələrlə ödənişlərin həyata keçirilməsi təmin edilib.
Daha bir diqqətçəkən məqam isə aliment öhdəliyi olan analarla bağlıdır. Belə ki, hazırda icraatda olan aliment işlərindən 2400-dək fakt üzrə borclu tərəf məhz qadındır.
