Xızı rayonunda dəhşətli yanğın baş veribFHN-in yaydığı məlumata görə, Altıağac qəsəbəsində ümumi sahəsi 36 kvadratmetr olan birmərtəbəli birotaqlı evdə yanğın hadisəsi olub. Yanğın saat 04:05-də yanğınsöndürənlər tərəfindən söndürülüb. Yanğın yerinin kəşfiyyatı zamanı insan sümüyünə oxşar fraqmentlər aşkarlanıb.Xızı rayon Polis Şöbəsindən Milli.Az-a bildirilib ki, yanmış ev milliyətçə malakan olan 76 yaşlı Firina Nelli Tomofeyevnaya məxsusdur. Evdən tapılmış insan sümüyünə oxşar fraqmentlər hələlik sübut olunmasa da, ona məxsus olması ehtimal olunur. Qadının qızının polisə verdiyi məlumata görə, yanvarın 29-da saat 23:00 radələrində anası ilə telefonla danışıb. Anası ona yaxşı olduğunu və yatmağa hazırlaşdığını deyib. Təxminən 3 saat sonra isə Yanğından Mühafizə Xidmətinə yanğın barədə məlumat daxil olub. Yanğın söndürüləndən sonra isə evdən sümüklər aşkarlanıb.
