Bu gün səhər saatlarında Azərbaycan Dövlət Pedeqoji Universitetinin (ADPU) tələbələri imtahanlara etiraz olaraq aksiya keçirib.
AZXEBER.COM portalının hadisə yerində olan müxbirinin verdiyi məlumata görə, aksiya saat 12-də “Sahil bağı”nda başlayıb. Təqribən 30-40 tələbənin toplaşdığı aksiyada tələbələr imtahanların həm test, həm də bilet üsulu ilə olmasına etiraz ediblər.
Təqribən 1 saat davam edən etiraz aksiyası universitet rəhbərliyi tərəfindən sakitləşdirilib. Rəhbərlik tələbələri məsələni akt zalında müzakirə etməyə çağırıb.
Qeyd edək ki, bir müddət bundan öncə analoji hadisə İqtisad Universitetində də baş vermişdi. Bu universitetin tələbələri də, imtahanlara və kollukviumlara etiraz etmişdilər.
Ozal İbrahimli
