Ağdaş-Qəbələ yolunda ölümlə nəticələnən zəncirvari yol qəzası baş verib.
Baş Dövlət Yol Polis İdarəsindən AZXEBER.COM-a verilən məlumata görə, hadisə yolun 3-cü kilometrliyində qeydə alınıb.
Belə ki, Seyfəddin Abdullayevin idarə etdiyi “VAZ 2107” markalı maşın ötmə əməliyyatını düzgün yerinə yetirməyərək “VAZ-21104” markalı 90 MB 294 markalı avtomobil ilə toqquşub. Daha sonra “VAZ 2107” markalı avtomobilin sürücüsü idarəetməni itirərək qarşıdan gələn Musa Musayevin idarə etdiyi 90-XC-722 dövlət nömrə nişanlı “Hyundai” markalı minik maşını ilə toqquşub.Hadisə nəticəsində “VAZ 2107” nin sərnişinləri - 32 yaşlı Ceyhunə Əzizova və 27 yaşlı Aytac Əzizova dünyasını dəyişib, 9 yaşlı Orxan Orucov və avtomobillərin sürücüləri ağır dərəcəli bədən xəsarətləri ilə Ağdaş Mərkəzi rayon Xəstəxanasının reanimasiya şöbəsinə yerləşdirilib.Faktla bağlı Ağdaş rayon Polis Şöbəsi tərəfindən cinayət işi başlanıb, araşdırma aparılır.
