Gənclər üçün yerli Davos adı verilən forum Liderlik Forumu sentyabrın 8-11-i arası ölkənin gənclər paytaxtı Gəncədə keçiriləcək.AZXEBER.COM xəbər verir ki, tədbir Gənclər və İdman Nazirliyi, Gənclər Fondu, Gəncə Şəhər İcra Hakimiyyəti, “İrəli” və “Gənclərin Dostluq Şəbəkəsi” İctimai Birliklərinin birgə təşkilatçılığı ilə həyata keçirilir.Forumun keçirilməsində əsas məqsəd fəal Azərbaycan gənclərini bir araya toplayaraq onları əhatə edən və ölkə gündəmində olan məsələlərlə bağlı fikir mübadiləsi aparmaqdır.Bununla yanaşı real təkliflərin irəli sürülməsi, gənc liderlər arasında işgüzar münasibətlər və əməkdaşlıq layihələrinin artırılması, dövlət və dövlətçiliyimizin inkişafı naminə gənc liderlərin müsbət enerjisindən bəhrələnməkdir.Qeyd edək ki, iştirak üçün artıq 1000 nəfər gənc müraciət edib.Belə ki, daxil olan müraciətlər yaxın günlərdə Forumun Təşkilat Qrupu tərəfindən incələnərək seçimlər həyata keçiriləcək.
