"Həmin qız məni çəkdiyi şəkillərlə şantaj etməyə başlayıb".
AZXEBER.COM-a müraicət edən Emil Hacıoğlu adlı istifadəçi “facebook”da tanış olduğu bir qız tərəfindən şantaj edildiyini və qızın ondan 500 dollar pul istədiyini deyib. Onun sözlərinə görə, bu qız ona dostluq göndərib və hər şey elə onların virtual dostluğunun qurulması ilə başlayıb:
“Mən bank sektorunda çalışıram. İşdə olduğum zaman bu qadın mənə dostluq atdı və mən o dostluğu qəbul etdim. İngiliscə yazışmağa başladıq. Daha sonra o məndən “Skype” ünvanımı aldı. Elə bir neçə dəqiqə sonra mənə video zəng etdi. Video zəngə cavab verdiyim zaman o soyunmağa başladı. Düzü məndən də soyunmağımı istədi. Düzdür ilk başda razılaşmadım, amma o soyunandan sonra istər-istəməz mən də onun dediyini etdim. Məndən cinsi orqanımı göstərməmi istədi. Mən də ağılsızlıq elədim və onun dediyi ilə razılaşdım. Sonra görüntü dondu və zəng kəsildi. Həmin qız məni çəkdiyi şəkillərlə şantaj etməyə başlayıb. Əvvəlcə 7500 dollar istədi. Mən ona işləmədiyimi dedim və son olaraq 500 dollarda razılaşdıq. Əks halda şəkilləri profilimdəki dostlarıma paylaşacağını deyir. Bu qızın şəkilin paylaşın ki, digərləri də görsünlər və aldanmasınlar. Bu kibercinayətkarlıqla bağlı polisə və MTN-ə müraciət edəcəm”.
