Sabirabad rayonunun Yolçubəyli kəndində intihar olub.
Ötən gecə Sabirabad rayonu Yolçubəyli kəndində intihar hadisəsi baş verib. Rayon Prokurorluğundan Anspress-ə verilən məlumata görə, kənd sakini 1995-ci il təvəllüdlü Töhfə Əfqan qızı Ağammədova yaşadığı evin həyətindəki çardaqdan özünü asıb.
Hadisə baş verərkən qızın valideynləri evdə olmayıblar. Onlar məsciddən gələrkən qızı evdə tapmayıblar. Axtarılan gənc qızın meyiti çardaqdan asılmış vəziyyətdə tapılıb.
Qızın qohumlarının verdikləri məlumata görə, qız qohumlarına nişanlı olub. Lakin qızı qonşularının oğlu sevirmiş. Qızın da onu sevdiyi bildirilir. Onun elə bu səbəbdən intihar etdiyi də ehtimal edilir.
Meyit tibbi ekspertizadan keçirilib. Prokurorluqdan isə hələlik qızın nə səbəbdən özünü öldürdüyünün araşdırıldığı bildirilib. Lakin onun sevgi üzündən canına qıydığı da istisna edilmir. Faktla bağlı Cinayət Məcəlləsinin 125-ci maddəsilə cinayət işi başlanıb, istintaq gedir.
